டாஸ்மாக் கடைகளில் திடீர் ஆய்வு மதுரை டாஸ்மாக் முதுநிலை மண்டல மேலாளர்

 டாஸ்மாக் கடைகளில் திடீர் ஆய்வு மதுரை டாஸ்மாக் முதுநிலை மண்டல மேலாளர் திரு.பா.அருண்சத்யா அவர்களால் மதுரை தெற்கு மாவட்டத்திற்குட்பட்ட மதுபான சில்லறை விற்பனை கடை எண் .5587 - ல் மதுபான வகைகளை அரசு நிர்ணயம் செய்த விலையை விட கூடுதலாக ரூ .70 / - வைத்து விற்பனை செய்ததால் கடையின் மேற்பார்வையாளர்கள் மற்றும் விற்பனையாளர்கள் தற்காலிக பணிநீக்கம் செய்து நடவடிக்கை மேற்கொள்ளப்பட்டது , மேலும் , மதுபான சில்லறை விற்பனை கடை எண் -5588 , 06.10.2021 அன்று திடீர் தணிக்கை மேற்கொண்டபோது மதுபான வகைகளை அரசு நிர்ணயம் செய்த விலையை விட கூடுதலாக ரூ .200 / - வைத்து விற்பனை செய்ததும் , கடைக்கு சம்பந்தமில்லாத அந்நிய நபர்கனை பணிபுரிய அனுமதித்ததும் கண்டறியப்பட்டதால் , கடையின் மேற்பார்வையாளர் திரு.எண்.ராஜா மற்றும் விற்பனையாளர்கள் திரு.பி.வேல்பாண்டி மற்றும் திரு.இளமாறன் ஆகியோர் தற்காலிக பணிநீக்கம் செய்யப்பட்டுள்ளனர் . அத்துமீறி கடையில் பணிபுரிந்த நபர்கள் மீது மதுரை தெற்கு மாவட்ட மேலாளரால் எஸ்.எஸ்.காலணி காவல்நிலையத்தில் புகார் அளிக்கப்பட்டு நடவடிக்கை மேற்கொள்ளப்பட்டு வருகிறது . மதுபானக் கடைகளில் அரசு நிர்ணயம் செய்த விலையை விட கூடுதலாக மதுபானங்களை விற்பனை செய்தாலும் , அந்நிய நபர்களை கடையில் பணிபுரிய அனுமதித்தாலும் சம்பந்தப்பட்ட பணியாளர்கள் மீது கடுமையான நடவடிக்கை எடுக்கப்படும் . டாஸ்மாக் மேலாண்மை இயக்குநரின் உத்தரவின்படி . மதுரை தெற்கு மாவட்டத்திற்குட்பட்ட மதுபான சில்லறை விற்பனை கடை எண் -5200 ஐ 06.10.2021 அன்று காலை 10.00 மணியளவில் மதுரை தெற்கு மாவட்ட மேலாளர் திடீர் தணிக்கை மேற்கொண்டபோது , விற்பனை தொடங்கப்படாத நிலையில் கையிருப்பு தொகை ரூ .59,880 / - கண்டறியப்பட்டது . இது தொடர்பாக கடைப்பணியாளர்கள் அனைவருக்கும் விளக்கம் கேட்கும் குறிப்பானை வழங்கப்பட்டு மேல் நடவடிக்கை தொடரப்பட்டு வருகிறது . மேலும் , கடைகளில் பணக்குறைபாடு மற்றும் மதுபான வகைகளை அரசு நிர்ணயம் செய்த விலையை விட கூடுதல் விலை வைத்து விற்பனை செய்வது கண்டறியப்பட்டால் ஒழுங்கு நடவடிக்கை எடுக்கப்படும் என மதுரை டாஸ்மாக் முதுநிலை மண்டல மேலாளர் திரு.பா.அருண்சத்யா எச்சரிக்கை விடுத்துள்ளார்